“O‘zbekiston ilmiy-sinov va sifat nazorati markazi” davlat muassasasi hamda Slovakiya Respublikasining Peshtyani shahrida joylashgan Slovakiya texnik universiteti o‘rtasida hamkorlik memorandumi imzolandi. Ushbu memorandum ikki mamlakat o‘rtasida sifat infratuzilmasi, mahsulotlarni sinovdan o‘tkazish, sertifikatlashtirish hamda texnik reglamentlar bo‘yicha tajriba almashish va amaliy hamkorlikni chuqurlashtirishni ko‘zda tutadi.
Imzolangan hujjatga ko‘ra, tomonlar quyidagi kadrlar salohiyatini oshirish, laboratoriyalararo solishtiruv sinovlarini amalga oshirish kabi yo‘nalishlar bo‘yicha o‘zaro hamkorlikni yo‘lga qo‘yadilar.
Bundan tashqari, memorandum doirasida ilmiy tadqiqotlar sohasida hamkorlik, xalqaro texnik reglamentlar va standartlarni tatbiq etish hamda texnik jihatdan tartibga solish siyosatlarini muvofiqlashtirish borasida o‘zaro manfaatli faoliyat olib borishga kelishib olindi.
