Хитой Халқ Республикасининг Сертификатлаштириш ва инспекция гуруҳи (CCIC) экспертлари иштирокида экспортёр корхоналар учун онлайн ўкув-семинари ташкил этилди.

СОВИД 19 пандемияси даврида махаллий фермер хўжаликлари  ва экспортёр корхоналарни  қўллаб қувватлаш максадида, жорий йилнинг 17  июль куни, «Ўзстандарт» агентлиги  томонидан Хитой Халқ Республикасининг Сертификатлаштириш ва инспекция гуруҳи (CCIC) экспертлари иштирокида  онлайн ўқув семинари ташкил этилди. Тадбирда  «CCIC Almaty» ташкилоти бош директори  Сюй Вэньсянь, ушбу ташкилотнинг мувофиқликни бахолаш бўйича экспертлари Шен Тао, Анна Новикова, Ю Анжун, Чжан Тяньцзюнь, Ши Гефэн, Ван Цзюе, Го Мин,  «Ўзстандарт» агентлиги, «Ўзбекистон илмий-синов ва сифат назорати маркази» давлат корхонаси масъул ходимлари, республикамизнинг  вилоятлардаги 20дан ортиқ махаллий  фермер хўжаликлари  ва экспортёр корхона вакиллари иштирок этди.

CCIC экспертлари томонидан иштирокчиларга презентация орқали қишлоқ хўжалиги  ва бошқа турдаги маҳсулотларни Хитой Халқ Республикасига экспорт қилишдаги талаблар, синов ва сертификатлаштириш жараёнлари тушинтирилди. Шу билан бирга жахон бозорида қишлок хўжалиги махсулотларига қўйилган  сифат ва хавфсизлик  талабларининг тобора кучайиб бораётганлиги сабабли, Хитой давлатида етиштиралаётган махсулотларнинг миллий ва халкаро бозорлардаги ўрнини  мустахкамлаш учун  GLOBAL GAP ва Organic стандартларни жорий этишга алохида эътибор берилаётганлигини таъкидлаб ўтилди. Хитойлик экспертлар томонидан   махаллий  фермер хўжаликлари  ва экспортёр корхоналарни қизиқтирган барча саволларига жавоб берилди. Тадбир якунига кўра, коранавирус пандемияси салбий таъсирини юмшатиш мақсадида ушбу турдаги  онлайн ўқув семинарларни доимий ташкил этиб боришга келишиб олинди.