Biz haqimizda

O‘ZBEKISTON RESPUBLIKASI PREZIDENTINING
QARORI

O‘ZBEKISTON RESPUBLIKASIDA MUVOFIQLIKNI BAHOLASH TIZIMINI YANADA TAKOMILLASHTIRISH VA SINOV LABORATORIYALARI KOMPLEKSINI RIVOJLANTIRISH TO‘G‘RISIDA

 
    Respublikada ishlab chiqarilayotgan mahsulotlarning sifatini va eksporti hajmlarini oshirish, ularning xalqaro standartlarga muvofiq ishlab chiqarilishini ta’minlash hamda mavjud sinov va kalibrlash laboratoriyalarini modernizatsiya qilish, shuningdek aholiga sifatli va xavfsiz mahsulotlarni yetkazib berish bo‘yicha tizimli ishlar amalga oshirilmoqda.
       Muvofiqlikni baholash sohasidagi faoliyatni tubdan takomillashtirish, idoralararo va innovatsion sinov va kalibrlash laboratoriyalari kompleksini rivojlantirish, sohaga xususiy investitsiyalarni keng jalb etish va mahalliy mahsulotlarni xalqaro standartlarga muvofiq baholash orqali savdodagi texnik to‘siqlarni bartaraf etish maqsadida:
O‘zbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi hamda “O‘zstandart” agentligining:
“O‘zstandart” agentligining “Respublika sinov va sertifikatlashtirish markazi” davlat korxonasini 2020-yil 1-yanvardan “O‘zbekiston ilmiy-sinov va sifat nazorati markazi” davlat korxonasiga (keyingi o‘rinlarda — “UzTest” davlat korxonasi) aylantirish hamda uning muassisi etib Standartlashtirish, sertifikatlashtirish va texnik jihatdan tartibga solish ilmiy-tadqiqot institutini belgilash;
“O‘zstandart” agentligining “Respublika sinov va sertifikatlashtirish markazi” davlat korxonasi vorisi etib “UzTest” davlat korxonasini belgilash;
2019-2020-yillarda Toshkent shahrida xalqaro tashkilotlarning (ISO, IEC, UNECE, EN, CODEX STAN) standartlari, talab va me’yorlariga muvofiq oziq-ovqat va qishloq xo‘jaligi mahsulotlari, elektrotexnika, yengil sanoat, mashinasozlik, qurilish, polimer va kimyo sanoati mahsulotlari hamda yuqori texnologiyalar asosida ishlab chiqarilgan mahsulotlarning sinovlarini to‘liq amalga oshiradigan zamonaviy sinov va nazorat laboratoriyalaridan iborat “UzTest” davlat korxonasining sinov va nazorat kompleksini tashkil etish;
 

O‘zbekiston ilmiy-sinov va sifat nazorati markazi” davlat unitar korxonasi "UzTest"

FAOLIYAT SOHASI

O‘zbekiston ilmiy-sinov va sifat nazorati markazi” davlat unitar korxonasi mintaqada ishlab chiqarilayotgan va import qilinayotgan quyidagi yo'nalishdagi mahsulotlarni sertifikatlashtirish ishlarini olib boradi:

- Oziq-ovqat, parfyumeriya va kosmetika mahsulotlarini sertifikatlash organi;
- Qurilish mahsulotlarini sertifikatlash organi;
- Mashinasozlik va metallni sertifikatlash organi;
- Kimyoviy mahsulotlarni  sertifikatlash organi;
- Elektr mahsulotlari uchun sertifikatlash organi;
- Yengil sanoatni sertifikatlash organi.

Quyidagi yo'nalishlarda sinov laboratoriyalari olib boriladi:

- Elektr sanoati mahsulotlarini sinov laboratoriyasi;
- Yuqori va past kuchlanishli elektr materiallarini sinov laboratoriyasi;
- Mashinasozlik mahsulotlarini sinov laboratoriyasi;
- To'qimachilik sanoati mahsulotlarini sinov laboratoriyasi;
- Yengil sanoat mahsulotlarini sinov laboratoriyasi;
- Qurilish materiallarini sinash laboratoriyasi;
- Polimer va kimyoviy mahsulotlarni sinash laboratoriyasi;
- Oziq-ovqat va qishloq xo'jaligi mahsulotlarini sinovdan o'tkazish laboratoriyasi.