Tadbirkorlar uchun xalqaro ekspertlar ishtirokida seminar tashkil etildi

BMT taraqqiyot dasturi bilan hamkorlikda respublikaning barcha hududlarida tajribali xorijiy mutaxassis, O‘zbekiston–Latviya savdo uyi direktori V.Galperins ishtirokida "Yevropa bozoriga eksport qilish: talablar, tartiblar va qoidalar" mavzusida seminar-trening tashkil etildi.

Namangan shahrida o‘tkazilgan navbatdagi seminarda viloyatdagi eksportyor korxonalar, "Oʻzbekiston ilmiy-sinov va sifat nazorati markazi" davlat muassasasi Namangan filiali Mahsulotlarni eksport qilishga ko‘maklashish byurosi hamda Menejment tizimlarini sertifikatlashtirish mutaxassislari faol ishtirok etdi.