Talabalar hududiy filial faoliyati bilan yaqindan tanishdi

"O'zbekiston ilmiy-sinov va sifat nazorati markazi" davlat muassasasi Sirdaryo filiali tomonidan ta’lim muassasalari bilan soha yo‘nalishlari bo‘yicha hamkorlikda ishlar olib borilmoqda.

Guliston davlat universitetining "Ishlab chiqarish texnologiyalari" fakulteti talabalari hududiy filial sinov laboratoriyalari majmuasi faoliyati bilan yaqindan tanishish imkoniyatiga ega bo‘lishdi. Mutaxassislar tomonidan talabalarga mahsulotlarning sinovlarini amalga oshirish va xavfsizlik qoidalariga rioya etish bo‘yicha dastlabki ko‘nikmalar berildi.