"Fuqaro muhofazasi va yong‘in xavfsizligi" mavzusida amaliy-oʻquv mashg‘uloti tashkil etildi

"Oʻzbekiston ilmiy-sinov va sifat nazorati markazi" davlat muassasasi Mehnatni muhofaza qilish va texnika xavfsizligi sho‘basi tomonidan Yakkasaroy tumani Favqulodda vaziyatlar boshqarmasi bilan hamkorlikda "Fuqaro muhofazasi va yong‘in xavfsizligi" mavzusida amaliy-o‘quv mashg‘uloti tashkil etildi.

15-noyabrdan 15-dekabrga qadar davom etadigan "Yong‘in xavfsizligi oyligi" doirasida o‘tkazilgan ushbu tadbirda xodimlarga yong‘in chiqqan taqdirda qanday tartibda harakat qilish zarurligi va evakuatsiya rejalari tushuntirilib, alangani birlamchi tarzda o‘chirish bo‘yicha amaliy ko‘nikmalar berildi. Bundan tashqari, salbiy holatlarni oldini olish maqsadida doimiy ehtiyot choralarini koʻrish bo‘yicha dastlabki tushunchalar yetkazildi.