Tekstil mahsulotlari sifati nazoratdan o‘tkazilmoqda

Farg‘ona viloyati Toshloq tumanida faoliyat yuritib kelayotgan "MUS AB BAROKOT" masʼuliyati cheklangan jamiyati tomonidan yengil sanoat mahsulotlari ishlab chiqarilish yo‘lga qo‘yildi. Kelgusida mahsulotlarni Rossiya davlatiga eksport qilish rejalashtirilmoqda.

"O‘zbekiston ilmiy-sinov va sifat nazorati" davlat muassasasi Farg‘ona filiali mutaxassislari ushbu korxonada mahsulotlar sifati yuzasidan o‘rganish olib bordi.

Jarayonda korxona vakillariga "GSP+ tizimi" imtiyozlari tatbiq etiladigan mahsulotlarga Yevropa Ittifoqi mamlakatlaridagi talablar to‘g‘risidagi ma’lumotlar, OEKO-TEX STANDART 100, ISO 9001:2015, WRAR xalqaro sertifikatlari mohiyati va afzalliklari, O‘zbekiston Respublikasi Vazirlar Mahkamasining 826-qarorida eksportyorlarga xalqaro standartlarni joriy etishda moliyaviy yordam ko‘rsatish tartibi to‘g‘risida tushuntirish ishlari olib borildi.

Bundan tashqari, mahsulotlarni sinovini o‘tkazish maqsadida Markaz sinov laboratoriyalar majmuasiga namunalar topshirildi.