"O‘zbekiston ilmiy-sinov va sifat nazorati markazi" vakillari Artel kompaniyasiga tashrif buyurdi

O‘zbekiston ilmiy-sinov va sifat nazorati markazi vakillari Artel konditsioner ishlab chiqarish korxonasiga tashrif buyurib, mahsulot ishlab chiqarish jarayoni bilan yaqindan tanishdi.

Jarayon davomida mahsulot ishlab chiqarish texnologiyasi va uning asosiy bosqichlari, detallarni tayyorlashning o‘ziga xos jihatlari, shuningdek, konditsioner uchun plastik korpus ishlab chiqariladigan termoplast liniyasining faoliyati bilan batafsil tanishishdi. Bir qator sinovlarni o‘z ichiga olgan tayyor mahsulot sifatini nazorat qilish jarayoni UzTest vakillarida tabiiy qiziqish uyg‘otdi.

Bundan asosiy ko‘zlangan maqsad, xorijiy kompaniyalar bilan hamkorlik o‘rnatish uchun O‘zbekiston korxonalarining ishlab chiqarish salohiyatini namoyish etishdan iborat.