Oliy taʼlim muassasasi talabalari sinov laboratoriyalar faoliyati bilan tanishdi

"Oʻzbekiston ilmiy-sinov va sifat nazorati markazi" Buxoro filiali sertifikatlashtirish, standartlashtirish va muvofiqlikni baholash sohalari tobora rivojlanib, malakali kadrlarga boʻlgan talab ortib borayotganini hisobga olgan holda oliy taʼlim muassasalari bilan hamkorlik ishlarini kengaytirmoqda.

Buxoro davlat universitetining bir guruh talabalari "Oʻzbekiston ilmiy-sinov va sifat nazorati markazi" davlat muassasasi Buxoro filiali sinov laboratoriyalari majmuasi faoliyati bilan yaqindan tanishdi. Ekskursiya davomida zamonaviy sinov laboratoriyalarida oʻz faoliyatini olib borish istagini bildirgan yoshlarga yetuk mutaxassis boʻlish uchun tinimsiz mehnat qilish zarurligi xususida zarur tavsiyalar berildi.