CE markirovkasi va uning qoʻllanilishi

CE markirovkasi va uning qoʻllanilishi
 

CE markirovkasi (Conformite Europeenne — Yevropa muvofiqligi)  bu — mahsulotning Yevropa Ittifoqi qonunchiligiga muvofiqligini tasdiqlovchi asosiy belgi va qaysi mamlakatlarda ishlab chiqarilganidan qatʼiy nazar, mahsulotning Yevropa Ittifoqi bozorida erkin harakatlanishini taʼminlaydi. Bu belgi Yevropa Ittifoqi standartlari hamda koʻrsatmalariga muvofiqlikni baholash tartibidan oʻtganidan keyin qoʻllaniladi.

Mahsulotga CE markirovkasini qo'yib, ishlab chiqaruvchi mahsulotning Yevropa Ittifoqi qonunchiligining uning qo'llanilishini nazarda tutadigan barcha majburiy talablariga javob berishini va muvofiqlikni baholashning tegishli tartib -qoidalari bajarilganligini o'z zimmasiga oladi.

CE markirovkasi quyidagicha joylashtiriladi:

- qaysi mamlakatlarda ishlab chiqarilganidan qat'i nazar, CE markirovkasini qo'yishni nazarda tutuvchi qonun hujjatlari talablariga javob bera oladigan barcha ishlab chiqarilgan mahsulotlar;

- ishlatilgan, uchinchi mamlakatlardan olib kelingan va CE markirovkasini qo'llashni nazarda tutuvchi qonun hujjatlari talablariga javob bera oladigan mahsulotlar;

- yangi mahsulot  sifatida CE markirovkasini qo'llashni nazarda tutuvchi qonun hujjatlari talablariga javob bera oladigan  va mahsulotlarning xavfsizligi yoki amaldagi uyg'unlashtirilgan qonun hujjatlariga muvofiq tarzda o'zgartirilgan mahsulotlar.

Mahsulot ishlab chiqariladigan komponentlarda CE markirovkasining mavjudligi yakuniy mahsulotga CE markirovkasini qo'yish huquqini bermaydi, u alohida Yevropa standartlariga muvofiqligini baholash tartibidan o'tishi kerak.

CE markirovkasi mahsulotga yoki mahsulot yorlig'iga ko'rinadigan, tushunarli, o'chmas tarzda yopishtirilishi lozim. Agar mahsulotning tabiatidan kelib chiqib, mahsulotga yoki mahsulot yorlig'iga yopishtirishning iloji bo'lmasa, u qadoqlashda, agar mavjud bo'lsa unga ilova qilingan hujjatlarda ko'rsatilishi mumkin. Muvofiqlikni baholash jarayoni tugagunga qadar CE markirovkasini qo'yish mumkin emas. Tushunarli bo'lishi uchun belgining balandligi kamida 5 mm bo’lishi lozim.

CE markirovkasi - bu Yevropa Ittifoqining uyg'unlashtirilgan qonunchiligining barcha muhim talablariga muvofiqligini ko'rsatuvchi yagona belgi hisoblanadi. CE markirovkasini "Xitoy eksporti" belgisidan farq qilishi kerak, Xitoy eksport belgisidagi C va E harflari haqiqiy CE markirovkaga qaraganda yaqinroq joylashadi. Xitoy eksport belgisi mahsulot Xitoyda ishlab chiqarilganligini ko'rsatadi. Bu belgi ro'yxatdan o'tkazilmagan va bu mahsulotning sinovdan o'tganini tasdiqlamaydi Ushbu belgi Xitoy mahsulotlarini ishlab chiqaruvchilari tomonidan o'zboshimchalik bilan joylashtiriladi.

Bozor nazorati tadbirlarining xolisligini ta'minlash uchun CE markirovkasini nazorat qilish Yevropa Komissiyasi bilan hamkorlikda a'zo davlatlarning davlat organlari zimmasiga yuklatiladi.

Idoralar belgisini noqonuniy qo'llash uchun Yevropa Ittifoqiga a'zo davlatning milliy ma'muriy va jinoiy qonunchiligida belgilangan sanksiyalar ko'zda tutilgan. Bajarilgan jinoyatning og'irligiga qarab, tadbirkorlik sub'ektlari jarima, ayrim hollarda esa qamoq jazosiga tortilishi mumkin. Ammo, agar mahsulot sog’liq uchun xavfli deb hisoblanmasa, ishlab chiqaruvchiga mahsulotni bozordan olib chiqish majburiyatidan oldin amaldagi qonunlarga muvofiqligini ta'minlash uchun ikkinchi imkoniyat berilishi mumkin.

 CE markirovkasinig asl ko'rinishi

CHINA EXPORT belgisi

Hurmatli tadbirkorlar sizlar CE markirovkasiga ega bo'lish istagida bo'lsangiz “UzTest” davlat muassasasi Mahsulotlarni eksport qilishga ko'maklashish byurosiga murojaat qilishingiz mumkin. Murojaat uchun telefon: +99871-202-00-11 (ichki: 1171)

“UzTest” davlat muassasasi Olmaliq filiali Mahsulotlarni eksport qilishga ko'maklashish byurosi mutaxassisi D.Sobitov