Samarqanddagi korxonada xalqaro standart joriy etildi

OʻzTTSA "Oʻzbekiston ilmiy-sinov va sifat nazorati markazi" davlat muassasasi Samarqand filiali mutaxassislari Ishtixon tumanida joylashgan "MUHAMMAD BEST OIL" masʼuliyati cheklangan jamiyatiga standartlashtirish, sertifikatlashtirish hamda mahsulotlarni eksportga yoʻnaltirish boʻyicha soha xizmatlarini koʻrsatib kelmoqda.

Buning natijasida, ichki va tashqi bozorga standartlarga toʻliq javob bera oladigan mahsulot yetkazib berish maqsadida korxonada oziq-ovqat xavfsizligi boʻyicha OʻzDst ISO 22000:2019 standarti talablari joriy qilindi. Hozirgi vaqtda filial mutaxassislari tomonidan mazkur standartga muvofiq sertifikatlashtirish auditi oʻtkazilmoqda.