KCL vakillari bilan qayta tiklanuvchi energiya sohasidagi standartlash va sertifikatlash masalalari muhokama qilindi

“O‘zbekiston ilmiy-sinov va sifat nazorati markazi” mas’ullari hamda Janubiy Koreyaning KCL (Korea Conformity Laboratories) tashkilot vakillari o’rtasida istiqbolli rejalar muhokamasiga bag‘ishlangan hamkorlik uchrashuvi bo‘lib o‘tdi. Unda qayta tiklanuvchi energiya sohasidagi xalqaro standartlar va sertifikatlash tizimi, xususan, KCL tomonidan bu borada O’zbekistonda amalga oshirilishi rejalashtirilayotgan sinov laboratoriyasi haqida so‘z bordi.

Uchrashuvda O‘zbekistondagi qayta tiklanuvchi energetika sohasining hozirgi kundagi yutuq va kamchiliklari aytib o‘tildi. Shu bilan birgalikda, Koreya tomoni sinov labaratoriyasi maydoni, uni rekonstruksiya qilish va sinov uskunalari bilan ta’minlash bo‘yicha o‘z takliflarini bildirdi.