Malayziyaning Kuala Lumpur shahrida — Osiyo mintaqasidagi eng nufuzli sertifikatlash idoralarini birlashtiruvchi yirik anjumanda “O‘zbekiston-ilmiy-sinov va sifat nazorati markazi” davlat muassasasi mutaxassislari ham munosib ishtirok etmoqda. Ushbu uchrashuv Malayziyaning SIRIM QAS International sinov va sertifikatlash markazi tomonidan yuqori darajada tashkil etilib, IQNet global tarmog‘i doirasida mintaqaviy hamkorlikni kuchaytirishga xizmat qilmoqda.
Tadbirni SIRIM QAS International bosh direktori Ts. Md Adha Rahmat ochib berib, transchegaraviy o‘zaro e’tirof, muvofiqlikni baholash jarayonlarida shaffoflik, innovatsion yondashuvlar va sifat infratuzilmasini mustahkamlashning dolzarbligini ta’kidladi.
“Uztest” vakili tomonidan sessiya davomida O‘zbekistonning milliy sifat infratuzilmasi taraqqiyoti, xalqaro sertifikatlash talablari bilan uyg‘unlashtirilgan jarayonlar, shuningdek, tashkilotning ilmiy-sinov laboratoriyalari salohiyati haqida ma’lumot berdi.
 |
 |
 |
 |
